قطرة_دم_تساوى_حياة
ممكن نستغل دول كويس قوى ... ممكن تساعدونى فى إنشاء رصيد دائم ومستمر لقرية ميت فارس أقدر أتعامل معاه بشكل كافى لينا ؟؟ ... ممكن نتجمع على قلب رجل واحد ويكون الهدف ١٠% رصيد المجاني للحالات الغير قادرة والمدرسة ... والباقى التنسيق التام زى ما بيتم من أربع شهور قبل ذهابك للمركز الإقليمى لنقل الدم وأى حالة نقل دم تمت خلالهم من خلالنا يقدروا يشهدوا بإن فى أى وقت على مدار ٢٤ ساعة كان فى تنسيق تام لتوفير أكياس الدم بعد توفر تقرير طبي بالحالة، تقرير الحصول على عدد أكياس الدم أو مشتقاته من مستشفى حكومى أو مرخص تابع لوزارة الصحة، صورة بطاقة الحالة، صورة بطاقة قريب الدرجة الأولى، الفيزا لدفع مبلغ ١٩٠ لكيس الدم وعينة التوافق ... طالما هيتوفر لى كده وأنا أضمنه لإنى المنسق ليه أدور على كيس دم ب١٠٠٠ ج من مستشفى خاص ليه ؟؟ ... أو أخد أربعة يتبرعوا مقابل كيس واحد من مستشفى ما ليه ؟؟... طيب ما العقل بيقول الأربعة دول يكونوا لينا رصيد بدل ماهما ثمن كيس واحد بندور عليه وفى نفس الوقت الأربعة دول هيساعدوا أطفالنا من مرضى الثلاسيميا والى بيتم علاجهم بنقل الدم المستمر فى المركز الإقليمى لنقل الدم بالمنصورة ... يعنى دمك لطفل حياة ولك رصيد وأمان ... مين فينا ضامن بعد لحظة يحتاج دم مين وليه وفين ... معا من أجل رصيد دائم ومستدام.